عندما كنا "كـ ثوار " نزعم بان كل السلطات التي تدير البلاد حاليا تسير علي نهج النظام البائد
قالو لنا اتقوا الله و استنوا برلمان الثوره ،،
اول برلمان بحق وحقيق مش كده و كده ،، ده بيقولك الانتخابات بتعتو هتكون نزيهة
و الشعب هيختار اللي يمثله ،، و بما انه هيكون برلمان ثوري جاء بدماء الشهداء
فاكيد الناس دي هتراعي ربنا فينا مش هيسكتو عالظلم و بعد ما يدخلوا البرلمان
هيرجعوا حق الشهيد و هيحقنوا الدماء مفيش حد هيستشهد تاني
محدش هيفقد بصره تاني عشان نزل يطالب بحقه
و مفيش بنات هتتسحل و تتعري !
اصل البرلمان ده اغلبيته اخوان ،، ناس داقت طعم الظلم و اترمت ف السجون ايام مبارك و اتبهدلو
مستحيل يرضوا بظلم حد دلوقتي بعد ما الثوره خلتهم ليهم كلمه بعد ما كانو محظورين و مترقبين و متمرمطين !
و كمان يا راجل دي ناس بتعرف ربنا كويس مش هيقفوا مع المستبد علي حساب الثوار .. نفر ايفر
هما صحيح حركاتهم ناقصه و مش هتكلم علي دقات النقص بتاعتهم قبل الانتخابات خلينا ف بعد الانتخابات
اذ فجأة تحولوا الي طراطير و بيصقفو ف المجلس علي اي حاجه
مصطفي بقري يشتم البرادعي يصقفوا
الجنزوري يخلص كلامو يصقفوا
الكتاتني يقولهم وزير الداخليه قال مضربناش خرطوش يصقفوا !! و الحقيقه الصقفه الاخيره استفزتني جدا
لاني حسيت ان دي ناس مغيبه ،، بيصقفوا علي ايه ؟؟ هو لما الداخليه متضربش خرطوش ده كده يبقي هي بتعمل فينا جميله ؟؟ ده وضع طبيعي هو انت يا تقتلني يا تقولي احمد ربك انا مقتلتكش ؟؟
مع الاخذ ف الاعتبار ان وزير الداخليه حاجه من الاتنين يا اما الظباط مقرطسينو و بيضربو خرطوش من وراه و ساعتها يبقي هفأ و مينفعش يدير نقطة مرور مش وزاره ،، يا اما هو كداب =)
و الحقيقه اني توقعت موقف محترم من الاخوان الا اني حسيت انهم ايام مبارك كانو انضف من الان بكتير
متعرفش بقي السلطه غيرتهم ولا المنصب زغلل عينهم ولا عملوا صفقه مع المجلس العسكري
او الحكومه ماسكه عليهم سيديهات فاضحة // محدش عارف كل شئ جايز
لان لما يطلع دكتور محترم زي اكرم الشاعر المفروض انه والد احد المصابين و مكوي بنار الداخليه ويكون رده علي كلام محمد ابو حامد بان في ضرب خرطوش ،، و علي مكالمه سلمي سعيد بعد ماخدت 120 خرطوشه .. بكل برود يقول " النهارده ؟"
و يحسسك ان الضرب فاي يوم بــــيـــــس بس النهارده حرام !!
كل ما يقولو في ضرب يقولهم هو الضرب النهارده؟
و يقول ليسري الصوره اللي اتعرضت بتاعت المدرعه دي مش النهارده ..
و ابو حامد يقولو سلمي اتضربت امبارح الساعه 11 بليل ... يقول له الشاعر ايوه امبارح يعني مش النهارده
حاجه مستفزه .. يعني هو الخرطوش اللي قتل ناس قبل كده حلال و بتاع النهارده هو اللي حرام ؟؟
ازاي تغفر للداخليه استخدام الخرطوش من اول الاحداث و عقلك المحدود يقف علي يوم واحد
بجد ندمت اني تعاطفت مع واحد افاق و منافق و بوشين لما اتكلم عن ابنه اللي بجد البطل ف اولي جلسات المجلس
و نفسي اعرف اللي مش من الجماعه و انتخبوا الاخوان احساسهم ايه دلوقتي و هما شايفين عمايلهم المهببه اللي بتعكس نيتهم السوده !!
قال علي رأي المثل "ياللى انتخبت الاخوانى وافتكرته ملاك ،، اهو نجح الاخوانى ولسعك على قفاك !!"
ده كفايا اللي عملوه ف الذكري الاولي للثوره .. رايحين يحتفلوا بسلامتهم ؟؟؟!!
ده الواحد لما بيبقي جاره عنه حاله وفاه و يفتح التلفزيون امه بتيجي تقولو وطي التلفزيون شويه عيب جيرانا عنهم ميت !!
فما بالك لو كان اللي مات ده لسه مجاش حقه !! و مش بس كده لا ده اللي مات ده هو اللي خلاك يا اخواني يطلعلك صوت و يبقي لك حق انت تمارس الحياه الساسيه .. يعني من الاخر خيرو عليك و مغرقك من فوقك لتحتك ...
و مش هعلق علي انكم استخدمتو القران عشان تسكتوا هتافات الناس ضدكم ... بالذمه ده يبقي اسمو تدين .. عيب علي دقونكم حتي !!
اصلا لو اي حد واعي هيعرف ان الاخوان تغيروا بعد البرلمان
يمكن مع قرب الانتخابات ابتدت بوادر سقوط القناع تبدأ تبان
لكنها لم تكن بصوره واضحه اوي كده
بالذات لما شباب الاخوان افتكرا نفسهم اوصياء علي الثوار و الثوره و نزلوا بملشياتهم عشان يمنعوا مسيره سلميه من انها توصل لمجلس الشعب و زعموا كذبا انهم عملوا كده عشان يمنعوا احتكاك الامن بالثوار منعا لاراقه المزيد من دماء اخواتهم الثوار ...
نصبوا نفسهم اوصياء علي الثوار و نسيو انهم تخلوا عن هؤلاء البواسل لما كانو بيتقتلو و حطوا مصلحتهم الشخصيه اولا
كل ده عشان التعجيل بالانتخابات البرلمانيه... لا و مش كده و بس ده قال ايه عملو مسيره لنصره الاقصي و نسيو نصره ولاد بلدهم اللي كانو بيموتو ف محمد محمود .. يا اخي بقي سايب اللي بيموتو عندك ورايح تنصر اللي بيموتوا ف الاقصي .. مع كامل احترامي للقضيه الفلسطينيه انما المثل بيقول اللي يعوزو البيت يحرم عالجامع ..
طيب سؤال .. بما انهم فدائيين اوي كده و نيتهم سليمه كانت فين ملشياتهم ايام محمد محمود ... منزلوش ليه شباب الاخوان و زي موقفوا عند مجلس الشعب نزلو وقفوا و فصلوا بين الثوار و بين الداخليه ف محمد محمود ... او مجلس الوزراء ... او حتي احداث وزاره الداخليه الان ؟؟؟؟؟؟؟؟؟؟؟؟!!!!!!!!!!!!!
عذرا ايها الاخواني ..... كدبك بقي مفضوح مش قادره اصدقك
ولا حتي قادره افرض حسن النيه .... لانك تضع مصلحتك قبل مصلحه مصر
زي المحروم من السلطة و فضل يحاول انه يوصلها بكل الطرق و لما وصل لها تبت فيها و استغلها ابشع استغلال
و ف زمن قياسي ادمنها و بقي يضحي بكل شئ ف مقابل بقائه فيها
و كنتم تقولون انكن لن تظلموا و ستعدلوا و انكم كاغلبيه لن تكونوا صوره من الحزب الوطني و انكم لن تسيروا علي خطاه و انكم ستبذلون كل ما في وسعكم من اجل مصر
و قال مرشدكم في احد الصحف : لا تخافوا مِن مَن يخافون الله
لكن بصراحه انتوا طلعتوا زيكم زي الحزب الوطني كفايا ان انتوا الاتنين سكتوا علي الظلم و هدفكم الاول هو السلطه !!
و اقولكم بلغتكم ... تــــــــــــــــــــبــــــــــــــــــــــــــــاً لكم ،،، ترجموها انتوا بقي للانجليزيه
قالو لنا اتقوا الله و استنوا برلمان الثوره ،،
اول برلمان بحق وحقيق مش كده و كده ،، ده بيقولك الانتخابات بتعتو هتكون نزيهة
و الشعب هيختار اللي يمثله ،، و بما انه هيكون برلمان ثوري جاء بدماء الشهداء
فاكيد الناس دي هتراعي ربنا فينا مش هيسكتو عالظلم و بعد ما يدخلوا البرلمان
هيرجعوا حق الشهيد و هيحقنوا الدماء مفيش حد هيستشهد تاني
محدش هيفقد بصره تاني عشان نزل يطالب بحقه
و مفيش بنات هتتسحل و تتعري !
اصل البرلمان ده اغلبيته اخوان ،، ناس داقت طعم الظلم و اترمت ف السجون ايام مبارك و اتبهدلو
مستحيل يرضوا بظلم حد دلوقتي بعد ما الثوره خلتهم ليهم كلمه بعد ما كانو محظورين و مترقبين و متمرمطين !
و كمان يا راجل دي ناس بتعرف ربنا كويس مش هيقفوا مع المستبد علي حساب الثوار .. نفر ايفر
هما صحيح حركاتهم ناقصه و مش هتكلم علي دقات النقص بتاعتهم قبل الانتخابات خلينا ف بعد الانتخابات
اذ فجأة تحولوا الي طراطير و بيصقفو ف المجلس علي اي حاجه
مصطفي بقري يشتم البرادعي يصقفوا
الجنزوري يخلص كلامو يصقفوا
الكتاتني يقولهم وزير الداخليه قال مضربناش خرطوش يصقفوا !! و الحقيقه الصقفه الاخيره استفزتني جدا
لاني حسيت ان دي ناس مغيبه ،، بيصقفوا علي ايه ؟؟ هو لما الداخليه متضربش خرطوش ده كده يبقي هي بتعمل فينا جميله ؟؟ ده وضع طبيعي هو انت يا تقتلني يا تقولي احمد ربك انا مقتلتكش ؟؟
و الحقيقه اني توقعت موقف محترم من الاخوان الا اني حسيت انهم ايام مبارك كانو انضف من الان بكتير
متعرفش بقي السلطه غيرتهم ولا المنصب زغلل عينهم ولا عملوا صفقه مع المجلس العسكري
او الحكومه ماسكه عليهم سيديهات فاضحة // محدش عارف كل شئ جايز
لان لما يطلع دكتور محترم زي اكرم الشاعر المفروض انه والد احد المصابين و مكوي بنار الداخليه ويكون رده علي كلام محمد ابو حامد بان في ضرب خرطوش ،، و علي مكالمه سلمي سعيد بعد ماخدت 120 خرطوشه .. بكل برود يقول " النهارده ؟"
و يحسسك ان الضرب فاي يوم بــــيـــــس بس النهارده حرام !!
كل ما يقولو في ضرب يقولهم هو الضرب النهارده؟
و يقول ليسري الصوره اللي اتعرضت بتاعت المدرعه دي مش النهارده ..
و ابو حامد يقولو سلمي اتضربت امبارح الساعه 11 بليل ... يقول له الشاعر ايوه امبارح يعني مش النهارده
حاجه مستفزه .. يعني هو الخرطوش اللي قتل ناس قبل كده حلال و بتاع النهارده هو اللي حرام ؟؟
ازاي تغفر للداخليه استخدام الخرطوش من اول الاحداث و عقلك المحدود يقف علي يوم واحد
بجد ندمت اني تعاطفت مع واحد افاق و منافق و بوشين لما اتكلم عن ابنه اللي بجد البطل ف اولي جلسات المجلس
و نفسي اعرف اللي مش من الجماعه و انتخبوا الاخوان احساسهم ايه دلوقتي و هما شايفين عمايلهم المهببه اللي بتعكس نيتهم السوده !!
قال علي رأي المثل "ياللى انتخبت الاخوانى وافتكرته ملاك ،، اهو نجح الاخوانى ولسعك على قفاك !!"
ده كفايا اللي عملوه ف الذكري الاولي للثوره .. رايحين يحتفلوا بسلامتهم ؟؟؟!!
ده الواحد لما بيبقي جاره عنه حاله وفاه و يفتح التلفزيون امه بتيجي تقولو وطي التلفزيون شويه عيب جيرانا عنهم ميت !!
فما بالك لو كان اللي مات ده لسه مجاش حقه !! و مش بس كده لا ده اللي مات ده هو اللي خلاك يا اخواني يطلعلك صوت و يبقي لك حق انت تمارس الحياه الساسيه .. يعني من الاخر خيرو عليك و مغرقك من فوقك لتحتك ...
و مش هعلق علي انكم استخدمتو القران عشان تسكتوا هتافات الناس ضدكم ... بالذمه ده يبقي اسمو تدين .. عيب علي دقونكم حتي !!
يمكن مع قرب الانتخابات ابتدت بوادر سقوط القناع تبدأ تبان
لكنها لم تكن بصوره واضحه اوي كده
بالذات لما شباب الاخوان افتكرا نفسهم اوصياء علي الثوار و الثوره و نزلوا بملشياتهم عشان يمنعوا مسيره سلميه من انها توصل لمجلس الشعب و زعموا كذبا انهم عملوا كده عشان يمنعوا احتكاك الامن بالثوار منعا لاراقه المزيد من دماء اخواتهم الثوار ...
نصبوا نفسهم اوصياء علي الثوار و نسيو انهم تخلوا عن هؤلاء البواسل لما كانو بيتقتلو و حطوا مصلحتهم الشخصيه اولا
كل ده عشان التعجيل بالانتخابات البرلمانيه... لا و مش كده و بس ده قال ايه عملو مسيره لنصره الاقصي و نسيو نصره ولاد بلدهم اللي كانو بيموتو ف محمد محمود .. يا اخي بقي سايب اللي بيموتو عندك ورايح تنصر اللي بيموتوا ف الاقصي .. مع كامل احترامي للقضيه الفلسطينيه انما المثل بيقول اللي يعوزو البيت يحرم عالجامع ..
طيب سؤال .. بما انهم فدائيين اوي كده و نيتهم سليمه كانت فين ملشياتهم ايام محمد محمود ... منزلوش ليه شباب الاخوان و زي موقفوا عند مجلس الشعب نزلو وقفوا و فصلوا بين الثوار و بين الداخليه ف محمد محمود ... او مجلس الوزراء ... او حتي احداث وزاره الداخليه الان ؟؟؟؟؟؟؟؟؟؟؟؟!!!!!!!!!!!!!
عذرا ايها الاخواني ..... كدبك بقي مفضوح مش قادره اصدقك
ولا حتي قادره افرض حسن النيه .... لانك تضع مصلحتك قبل مصلحه مصر
زي المحروم من السلطة و فضل يحاول انه يوصلها بكل الطرق و لما وصل لها تبت فيها و استغلها ابشع استغلال
و ف زمن قياسي ادمنها و بقي يضحي بكل شئ ف مقابل بقائه فيها
و كنتم تقولون انكن لن تظلموا و ستعدلوا و انكم كاغلبيه لن تكونوا صوره من الحزب الوطني و انكم لن تسيروا علي خطاه و انكم ستبذلون كل ما في وسعكم من اجل مصر
و قال مرشدكم في احد الصحف : لا تخافوا مِن مَن يخافون الله
لكن بصراحه انتوا طلعتوا زيكم زي الحزب الوطني كفايا ان انتوا الاتنين سكتوا علي الظلم و هدفكم الاول هو السلطه !!
و اقولكم بلغتكم ... تــــــــــــــــــــبــــــــــــــــــــــــــــاً لكم ،،، ترجموها انتوا بقي للانجليزيه
ليست هناك تعليقات:
إرسال تعليق